منتديات افلام فور اجى


 

الرئيسيةالــمــجــلــهاليوميةمكتبة الصورس .و .جبحـثالتسجيلدخول

شاطر | 
 

 يبقى انت اكيد فى مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MR:bebo
™● الــــزعــــيــــم ●™
™● الــــزعــــيــــم ●™
avatar

. :
عرفت المنتدي منين :
  • من جوجل

الكليه :
  • كليات ومعاهد اخري

الهوايه :
رقم العضويه : 1
نشاط العضوى :
90 / 10090 / 100

احترام قوانين المنتدى :
مزاااجى :
البلد :
دعاء :
عدد الرسائل : 331
العمر : 23
الموقع : www.aflam4egy.yoo7.com
المزاج : راااااااااايق
السٌّمعَة : 0
تاريخ التسجيل : 05/10/2008

مُساهمةموضوع: يبقى انت اكيد فى مصر   الجمعة يوليو 24, 2009 10:39 pm

تذاكر جامد ولا تنجحش..... يبقى إنت أكيد أكيد فى مصر......... لما تتخرج ولا تشتغلش ........ يبقى إنت أكيد أكيد فى مصر.......... لما تشتغل ولا تكسبش ......... يبقى إنت أكيد أكيد فى مصر......... لما تحب وتفشل....يبقى انتا اكيد أكيد فى مصر....... لما تخطب كده ولا تتجوزش....يبقى إنت أكيد أكيد فى مصر .........؟؟؟؟ عظيمه يا مصر يا أم الدنيا

لما تلاقى من كل بيت خارج مدرس خصوصى يبقى انت أكيد أكيد فى مصر

لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر

لما رسم الزبالة سنة تلاقيه على فاتورة الكهرباء وسنة تلاقيه على فاتورة الغاز يبقى انت أكيد أكيد فى مصر

لما تسئل الشعب فى اى حاجة ويقولك اللى نعرفه احسن من اللى منعرفوش يبقى انت اكيد فى مصر

لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر

لما تفتح التليفزيون ويكلمك عن انجازات الحزب الوطنى وتفتح الثلاجة وتكلمك برده عن تلك الانجازات يبقى انت أكيد أكيد فى مصر

‏لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏

‏لو لقيت في كل بيت واحد عنده امراض زى الفشل الكلوى وغيره ‏..‏ تبقي أنت أكيد في مصر‏

‏لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏

‏لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏‏

‏لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏

‏لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏

‏لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر

‏لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏

‏لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏

‏لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏

‏لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏ (‏ وكان ليه من أصله‏)!‏ تبقي أنت أكيد في مصر‏

‏لو مزنوق في الشارع وملقتشي مراحيض عامة يبقي أنت أكيد في مصر‏

‏لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏

‏لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏

‏لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏

‏لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏

‏لو شفت الست تخلع جوزها بعد طول عشرة‏..‏ تبقي أنت أكيد في مصر‏

‏لو تقف في طابور علشان رغيف العيش‏..‏ تبقي أنت أكيد في مصر

‏لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏

‏لو سمعت الكبير بيقول للصغير حضرتك تبقي أنت أكيد في مصر‏

‏لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏

لو رحت مرة تصلى فى جامع وبعد الصلاة تلاقى اللى بيقولك خلاص يا افندى احنا بنقفل وهنفتح على معاد الصلاة الجاية تبقي أنت أكيد في مصر‏


لما تلاقى الجد فى ايده حفيده و الناحية التانية الشيشة فى ايده
يبقى انت اكيد اكيد فى مصر ... يبقى انت اكيد اكيد فى مصر


تحياتى
flower lol!
الرجوع الى أعلى الصفحة اذهب الى الأسفل
http://aflam4egy.yoo7.com
 
يبقى انت اكيد فى مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات افلام فور اجى :: منتديات افـلام فـور إجـى الـشـبـابـيـة :: مـنـتـدى الـضـحـك والفـرفـشـة-
انتقل الى: